去感冒古方: 芫茜水? (附食譜)

呢幾日我除了訓啦

仲食得好小心

朝早沖念慈菴, 夜晚開檸蜜

希望口嚨快的好, 唔洗再陰聲細氣講野

潮媽見我話個口嚨都係唔係好舒服買左D有根既芫茜

聽聞話對傷風感冒都好

而有根既芫茜又比無根既好喎

唔係好舒服既我當然有煲錯無放過啦

 

我仲加左隻皮蛋同紅蘿蔔稔住紅蘿蔔有維他命呀嘛

個小小感冒應該會快的好既

多謝各介好友關心

其實
呢個芫茜水我估唔洗食譜大家都知啦

見無聊寫埋啦

食材:

數棵根既芫茜洗淨切度
紅蘿蔔一個去皮切塊
皮蛋一隻切大粒


做法:

大水滾落芫茜紅蘿蔔
明火滾十五分鐘
落皮蛋再滾五分鐘

落小上鹽

搞掂

哈老喂偷糖賊

係美國尤其係New England地區

十月既哈老喂都幾多父母帶扮鬼扮馬既小朋友

入夜四為去人家處trick or treating

以前做女個時

每年呢個時候我都會買一大包朱古力係娘家
等小朋友黎羅糖
見到的小朋友扮成卡通黎
有D好怕羞, 有D好想要多D糖但係又怕俾父母話
好好笑好開心

今年第一年係呢間屋度過哈老喂
所以都買左兩大包white chocolate Kitkat

點知今一返到屋企見到

個糖jar d糖俾老公仔食晒

有無攪錯呀

都未哈老喂就食晒我的糖呀

雪耳蘋果湯附食譜

呢個星期天氣轉涼

開始入秋啦

當然亦覺有d乾燥
秋天係Boston呢度最易買既係蘋果
所以諗到煲雪耳蘋果湯潤下

其實都好似煲雪梨湯咁不過我改用蘋果咁解

食材﹕
蘋果四至六個切件
有骨雞胸肉兩個去皮,洗淨,出水（可加瘦肉﹐不過我無落）
紅蘿蔔兩條去皮切細件
雪耳三至四個浸淋洗淨切細件
圓肉, 紅棗, 杞杍, 各10g洗淨
南北杏小許洗淨

做法﹕
食材洗淨
水滾落湯料
大火滾十五分鐘
轉文火煲兩個鐘
落鹽大火再煲十五好分鐘
搞掂

個湯比雪梨甜dd, 好味啊

見個湯咁正仲囉左過去俾媽咪同嗲爹試添

溫馨提示﹕
老公仔話唔想d蘋果一padpad杰撻撻
所以我用左用個煲湯魚袋袋住d蘋果湯就好清喇

 

 

此料不及的八週年

今日我同老公仔拍拖八週年

每年我地唔多唔小都會慶祝一下

今年我地兩個見仲有好多大假未羅

所以都請今日諗住去行山慶祝

點知人算不如天算

今日成日落雨

我地山就無得行啦

結果早上食過愛心早餐之後

去左行公司

買左的秋天pumkin裝飾品黎過節用

凍冰冰既天氣我的邊爐引又發作

 

今晚無乜特別去買野打邊爐但都食得好開心

好平淡咁度過我地既拍拖記念日啦