夫家又一離奇事件日誌

話說我夫家成族人都唔臭米氣
做既諗既都令我摸不著頭腦
經常發生離奇事件

好日99 都唔會打黎除非有事order老公仔做
呢日唔知咩風99打黎搵仔
原來話過老公仔知星期尾有幾個遠房親戚從NY黎
要老公仔去接機(當時99係話佢地搭機黎)
老公仔聽左已經有點唔高興, 唔同佢先商量下先

其實老公仔係個無所謂既人
只要同佢攤開黎講
佢咩都無緊要既
佢最憎就係個d人hid things behind the bushes
可惜呢個道理做亞媽既到而家都唔明
成日自把自為定好先俾個仔知
又成日收收埋埋d野唔俾個仔知道
搞壞晒d關係

老公仔:下!你唔問聲我?你知我一定得閒架啦? 幾點呀?星期五我要返工架
99:唔知呀總之星期五啦
老公仔:噤幾多人呀 ?
99:唔知呀﹐四五個囉。呀邊個同佢老婆同對仔女仲有呀邊個邊個
老公仔﹕下! 唔係下化! 我架車點載得落呀!
99(開始唔老黎):得架啦坐迫d囉
老公仔(開始慶):唔係呀﹐我架車坐唔到噤多人架!超載抄牌會扣分架!
99: 唔會啦, 佢地識講識話架嘛!
老公仔: 識講識話一樣會抄牌, 你估你識英文大晒呀!
(其實我唔知99明唔明抄係抄佢個仔牌同識唔識英文無關)

99不得要領於是叉開話題
叫老公仔同佢搬床去一間有冷氣既房,自己做廳長

老公仔:下? 唔係呀! 佢地黎住你仲要訓廳?
99: 唔好既, 人地黎, 見到我訓間有冷氣既房
老公仔:呢幾日涼唔使開冷氣喎, 加上你張床好重, 唔可以就噤搬
要拆開搬過去嵌反, 好大工程架。
99:下乜搬床要拆架咩?
老公仔:你張床係雙人床, 又係實木﹐
而且個房門口都唔夠大啦唔拆開點搬呀!
我一個人搬唔郁, 一定要人幫手架, 叫埋舅父啦
99好似唔多願意噤
於是無point地又講返之前個話題

99:噤你去接佢地喎
老公仔:噤多人要多架車先得架
99:得啦你去咪得囉, 最多我自己搭地鐵返屋企囉
老公仔:下你識咩?係機場搭地鐵返屋企要轉車, 你唔識架
而且佢地成六個人我架車坐唔落架
99:得啦得啦
老公仔:唔得就唔得啦個度好多抄牌架, 叫埋呀舅父去兩架車就得
99好唔老黎地岌左老公仔線

evil既我係度諗
如果佢同個仔同新袍關係好d
人tum人, 我都會見義勇圍
係老公仔面前美言幾句同佢拆掂佢, 我開埋車又點話
可惜佢聽埋d姨媽姑姐講
見親我面都黑口黑面擺晒款好似唔識我噤
既然你噤憎我
我亦無必要枉作小人介入黎幫你lu

到左星期四晚
99都無打黎話我地知個班遠房親戚係咪真係黎
幾點到, 甚至係搭咩交通工具到
我好evil噤諗六個人從NY黎搭飛機咪好貴!!
不過99一直都話去機場接既
老公仔於是打去問99
99話唔知道要打去問遠房親戚
老公仔問噤佢地黎幾耐呀
99話唔知道亦都唔好意思去問人

結果係呢班遠房親戚係搭巴士黎
至於黎幾耐仍然係個迷
因為99始終唔肯問人地留幾耐
驚激嬲人
俾人覺得佢唔歡迎佢地黎噤話喎

我只係覺得點解去探人唔係早早話人知到達時間呀等等既logistic咩
幾日前打個電話, 話黎就黎, 真係當酒店walkin呀?
接著又唔confirm噤即係黎定唔黎呢

有時我唔知道係99理解能力差
定係真係噤多奇人既呢
還是我先係奇人呢

我都無話可說
忽然諗起呢句: 一物治一物, 糥米治木蚤

墨西哥包與H1N1

見有blog友仔整波羅包
想起星期日既一則趣事

早上我與老公仔外出吃早餐
我們選的早晨套餐包括
皮蛋瘦肉粥＋各式包包選一
咖啡﹑茶或豆漿
既然我唔太喜歡吃包包
包包當然是老公仔選吧
我問﹕「想食咩包呀? 佢地有波羅包﹑腸仔包﹑餐包﹑叉燒包﹑墨西哥包」

他的答案:
「咩包都好啦, 唔係墨西哥包就得啦

H1N1豬流感呀, 都係唔好食同墨西哥有關既野好D!」

我無言

YBlog: 誰人做大賊?

呢排掛著努力搵coins
同Petpet扭蛋
荒廢左個blog添
出住個罐頭blog先

註:
本故事並非虛構
但如有雷同實屬巧合

在一個小二年級的班房內
老師正在講課
有一位同學在“釣魚”式地上課
老師問道﹕「幹嘛,你昨晚沒睡覺, 去做賊嗎?」
同學答﹕「甚麼?不!小朋友是不能做賊的!」
老師反問﹕「那誰人可以?」
同學答﹕「只有大人才可以做賊。」
老師無言

重出焗壇【柚子蜜芝士蛋糕】

06 March, 2009 (Friday)

感覺好耐無開爐
有朋友生日
所以成機試下幸福蠍度見到既
簡易地用柚子蜜黎整芝士蛋糕
主意幾新鮮

 

我就覺得味道淡一些
下次可以多小小柚子蜜

食譜請到幸福蠍 blog
http://hk.myblog.yahoo.com/scorpio_3210/article?mid=37268

餅底: 5塊消化餅+30g牛油溶液, 壓入餅模後略雪硬, 以200-220'C焗10分鐘

芝士餡: cream cheese250g+糖20g打滑, 加入60g whipping cream 略打滑, 加入一隻雞蛋打勻, 再加入約2湯匙柚子蜜

180'C隔水焗30分鐘, 抽出水盆再焗約10分鐘, 出爐後面層抹上柚子蜜再焗約10分鐘, 關火後再用餘溫焗一會, 不用倒扣, 放涼, 雪數小時後脫模即成。

甜蜜情人節

小女子情人節週末出走
係度祝各位有個
甜蜜情人節喔

 

私房愛心早餐

7FEB 2009 (Sat)

話說我都幾喜歡食早餐
奈何平時由於趕著返工
我會返到公司先飲杯咖啡
週末雖然唔使返工
但我又懶煮
寧願與床纏綿多一陣啦

今早一起身
老公仔整左個愛心早餐俾我

好香既煙火雞肉
又圓又大既雙蛋
老公仔自製既home fries
對好多人黎講
好普通
對我黎講
好窩心, 好甜呀
即時高呼
我愛老公仔

ER迷的晚上【蘋果水】

08 Jan 2009 (Thursday)

聖誕前ER已經無新劇

停播左成個月
今晚係09年第一集新劇

為左隆重其事
我從娘家食過晚飯
返到屋企滾左個簡單糖水
邊睇邊飲

材料全部都係hea係雪櫃好耐既物資
耐到就黎可以囉citizenship 噤滯
就黎過年
要慢慢殲滅長駐係雪櫃既物資

呢度落左三個蘋果+半包糖蓮子+半包糖椰絲+四碗水
中火煲左半個鐘
連糖都唔使落
嘩又潤又甜

呢個又冬又乾既冬天
0岩晒啦