【生磨杏仁露】

突然想起香滑杏仁露

又俾我搵到包杏仁

煮飯時浸定

兩三下手勢

飯後就有糖水喇


杏仁露食譜 (兩人份)

食材﹕
南杏100g
北杏10g
冰糖(隨個人喜好)
水三杯(約800ml)

做法﹕
1 南北杏洗淨﹐用一杯水(約250ml)浸2小時
2 杏仁隔去水份﹐加入一杯水放於攪拌機攪成杏汁
3 用魚袋隔渣
4 加入兩杯水入杏仁渣﹐分兩次將杏仁渣再用攪拌機攪拌及魚袋隔渣
5 杏汁用中火煮滾
6 隨個人喜好加入適量冰糖及蛋白

吳湯吳水

天氣熱到咁

真係唔知食咩好

湯湯水水就最好喇

瓜粒湯飯

雪菜肉粹湯賴

潤澤冬天

進入一月
開行暖氣的日子
戶外極凍,室內極乾的環境
無論點忙都要潤一下
有時間的潤

 

黑糖雪梨水

無時間都要潤

只好弄個腐竹糖水

坊間食療【韭杞茶】

當冬天一來暖氣一開
老公仔便很容易流鼻血
醫生只是提議向鼻噴霧保持濕潤
但這只是指標不治本的辦法

某天跟友人父母飯局時
友人父母教我用韭杞煲甜茶
但韭杞卻不是時時有得賣
夏天剛到開始見有韭杞了
KT爸幫助下立即買來

 

配黑片糖煲茶試試看
希望這食療管用吧

濃【粉葛湯】

13MAR2010 (Sat)

這個週末有一大班人黎寒舍作客
於是我煲左一大煲湯
由於友人當中
有唔喜歡藥材既人事
亦人準媽咪
所以諗左好耐有咩湯我可以煲

於是煲左粉葛雞
唔係好識預材料
諗著有噤多人
落左兩隻雞共九磅
兩個葛差唔多三磅
加埋兩條紅蘿蔔同幾粒無花果
同一塊果皮
煲左四個幾鐘
嘩好似清燉湯噤啊
後來問返媽咪
佢話原來一隻雞就可以啦
唔怪得啦

====
Yahoo blog好煩呀
load 極都load唔到相
想點呀
搞左成晚我放棄左

潤一潤【南北杏雪梨茶】

入冬後
24/7地開著暖氣的日子
人乾又燥
見到有鴨嘴梨賣
買了些來煲雪梨茶做消夜
加幾粒南北杏

 

清潤又有益

滋潤養顏【生磨杏仁露】 (附食譜)

一凍呢邊就開行個暖氣
又乾又燥
要飲返d野滋潤下
呢個亦係入秋滋潤養顏好選擇
我見坊間其實有好多好多食譜
多數會加米水
我呢個就無落
我呢個食譜參考於好多年前聽電台節目
再加以改良得更簡單
簡易程度係
放左工返黎煮完飯之後
都可以整反杯做甜品噤易

 

杏仁露食譜 (兩人份)

食材﹕
南杏100g
北杏10g
冰糖(隨個人喜好)
水三杯(約800ml)

做法﹕
1 南北杏洗淨﹐用一杯水(約250ml)浸2小時
2 杏仁隔去水份﹐加入一杯水放於攪拌機攪成杏汁
3 用魚袋隔渣
4 加入兩杯水入杏仁渣﹐分兩次將杏仁渣再用攪拌機攪拌及魚袋隔渣
5 杏汁用中火煮滾
6 隨個人喜好加入適量冰糖及蛋白

清潤【蘋果水】

秋天既紐英倫地區
最多又最平既莫過於蘋果啦

時令蘋果最岩就係煲蘋果水啦
又快又方便
至緊要係清潤啊

兩三下手勢就有得飲喇
秋天飯後糖水首選!

ER迷的晚上【蘋果水】

08 Jan 2009 (Thursday)

聖誕前ER已經無新劇

停播左成個月
今晚係09年第一集新劇

為左隆重其事
我從娘家食過晚飯
返到屋企滾左個簡單糖水
邊睇邊飲

材料全部都係hea係雪櫃好耐既物資
耐到就黎可以囉citizenship 噤滯
就黎過年
要慢慢殲滅長駐係雪櫃既物資

呢度落左三個蘋果+半包糖蓮子+半包糖椰絲+四碗水
中火煲左半個鐘
連糖都唔使落
嘩又潤又甜

呢個又冬又乾既冬天
0岩晒啦

冬飲【雪梨水】

17Dec 2008 (Wed)

天氣轉冷
今日仲落第一場雪添
開始感覺到好乾好乾
搽lotion當然係必要啦
但都要食d潤潤既野先得

 

週末係唐人市場買左d梨
今晚煲入冬必飲雪梨水
即刻潤晒

多個第一次【楊枝金露】

12 NOV 2008 (Wed)

是日路過whole food
西柚同芒果汁正在減價中
師奶仔既我買左返黎先慢慢稔點整

 

番下番下新買大少奶本著作
搵到此食譜

 

好野萬事俱備
第一次用呢本書既食譜
第一次整呢個糖水
其實我從未食過楊枝金露
都唔知道係咪應該噤味
不過有芒果有西米有椰汁
都係老公仔喜愛既味道

 

呢度好難買到泰金柚
西柚都可以喎
下次可以多落西米
芒果肉撈埋芒果汁杰身d效果應該會更佳

木瓜雪耳湯

好耐無煲老火湯啦
行開costco見木瓜好似幾靚幾新鮮
買左個反黎煲木瓜雪耳

我用左:
一個青木瓜
一隻老雞 + 一磅豬頸骨(先飛水)
再加適量雪耳同南北杏
用高速煲第二壓煲一個鐘
落鹽飲得

青紅蘿蔔煲豬骨(高速煲版)

凍天凍冰冰
唔開行個開暖氣真係唔掂當架

但係暖氣又的確好燥

緊要係飲多的滋潤湯水啦
呢個湯我自己好鐘意
而且湯料易買到
又擺得
快靚正啊

我以前係title
高速煲第二巨獻﹕青紅蘿蔔煲雞blog都分享過
其實都係咁煲
今次無用粟米
但加左羅漢果同用豬骨
媽咪話用豬骨煲無用雞咁燥
一樣好甜好潤

青紅蘿蔔煲豬骨
材料﹕
豬骨2磅 (我今次用豬頸骨我估無咁油)
青紅蘿蔔各一個
無花果兩個
羅漢果四分一個
薑一片
南北杏一湯匙
水兩大湯碗
做法﹕
先將豬骨出水洗淨
青紅蘿蔔切細垃
所有食材放入煲
高壓煲30分鐘
減壓後落鹽再煲15分鐘

星期天好友邊爐夜 (附羅漢果茶食譜)

20JAN2008 (SUN)
一個超凍既星期日

六個一齊可以做d乜?

答案:
係打邊爐

因為呢個禮拜尾好忙
無乜時間準備

食物種類小
而且各方好友黎到仲要自備食材

要田媽出手相幫準備食物
真係麻煩晒田媽啊

 

無聊六人組拾拾下發覺
咦?

人字拖啊

 

見打邊爐
加上冬天開行個暖氣特別燥

所以簡單地煲左
羅漢果茶清肺潤喉

 

羅漢果茶簡易食譜
材料:
羅漢果一個
圓肉半碗
做法:
所有材料加入水
中至大火煲15-20分鐘
冷飲熱飲皆宜

溫馨提示﹕
羅漢果(Momordicae grosvenori swingle)是傳統的保健果品，已有三百年的食療歷
史。其營養價值高，含有豐富的葡萄糖和果糖，還含有三萜甙甜味素、維生素和蛋白
質，羅漢果甜味素甜度約為砂糖的三百倍。据《中藥大辭典》、《廣西中藥志》等
記載，羅漢果有防治疾病作用。其味甜純正, 味甘、性涼，益肝健脾，有清熱解暑、化痰止咳、涼血舒骨、清肺潤腸和生津止渴腸胃功能等療效，常用預防治呼吸道感染及胃腸保健，可治急慢性氣管炎、咽喉炎、哮喘、百日咳、胃熱、便秘、急性扁桃体炎等症 , 糖尿病患者亦宜服用。羅漢果是一種防治高血壓、高血脂、肥胖症的果品，羅漢果中含有豐富的糖甙，具有降血糖作用，可輔助治療糖尿病和肥胖症。

圓肉即龍眼果乾，含有大量的葡萄糖、維生素﹐有補氣、補血、益脾、安神作用，治失眠等功效。為傳統名貴補品。
(source from:http://care.ever360.com/index.php?itemid=577)

滋潤菜乾湯 (內附食譜)

外面漫天風雪
沒甚麼餸菜比打邊爐更好

今餐只係好簡單的菜式
其實都主要係想對著個爐暖暖的食吧

 

點都好打邊爐都比較燥

而且冬天處處開暖氣個人都乾D
所以我邊打邊爐邊就煲左個湯潤下
食完就有得飲啦

老公仔話佢都好鐘意呢個湯
滋潤菜乾湯

 

呢個湯我參考了黃淑儀個食譜
佢加有白菜, 不見天
但我就簡單得多

只用材料如下

材料:
菜乾       160g             
豬骨       1磅
羅漢果    1個                                                   
南北杏    2湯匙
無花果    2粒                                                  
水            2大湯碗
做法:
豬骨洗淨, 出水
菜乾浸軟,剪成2吋長
其他材料洗淨放入高速煲
用第二壓煲一小時
減壓加鹽即可
註: 如不用高速煲便要煲3小時